Edda Melkorka er ung stúlka sem býr á Íslandi. Edda talar bæði íslensku og ensku (og blandar þeim stundum saman) og hún umgengst reglulega fólk af margvíslegum uppruna. Hún er alin upp við bæði evrópska og norður-ameríska siði og hefðir, svo hún er jafn vön rótarbjór og Archie teiknimyndasögum og sviðakjömmum og bolludegi.

Í þessari bók langar Eddu í nýtt gæludýr. Þegar hún fær lýs í skólanum reynir hún að halda þær sem gæludýr, en ekki fer allt samkvæmt áætlun.

Um höfundana

Catherine Wayne er kanadískur rithöfundur, sem býr á vesturströnd Kanada og er meðal annars amma. Robyn Phaedra Mitchell er dóttir hennar og býr í Reykjavík. Edda Melkorka er dóttir Robyn og dótturdóttir Catherine. Catherine og Robyn skrifa bækur saman.